Click on a word to bring up parses, dictionary entries, and frequency statistics
19. eodem anno, quia per recognitionem1 Postumi consulis magna pars agri Campani, quem privati sine discrimine passim possederant, recuperata
in publicum erat, M. Lucretius tribunus plebis
promulgavit ut agrum Campanum censores fruendum
locarent,
[2?]
quod factum tot annis post2 captam Capuam non fuerat, ut in vacuo vagaretur cupiditas privatorum.
[3]
cum in3 expectatione senatus esset bello etsi non indicto, tamen iam decreto, qui regum suam, qui
Persei4 secuturi amicitiam essent, legati Ariarathis puerum filium regis secum adducentes Romam venerunt;
[4]
quorum oratio fuit regem educendum
filium Romam misisse, ut iam inde a puero assuesceret
moribus Romanis hominibusque.
[5]
petere ut eum non
sub hospitum modo privatorum custodia, sed publicae
etiam curae ac velut tutelae vellent esse.
[6]
et regis5 [p. 346]
legatio grata senatui fuit; decreverunt ut Cn.6 Sicinius praetor aedes instruendas7 locaret ubi filius regis comitesque eius habitare recte8 possent. et Thracum legatis, Maedis9 Cepnatisque et Astis10 societatem amicitiamque petentibus et quod petebant datum est, et munera binum11 milium aeris12 in singulos missa.
[7]
hos utique populos, quod ab tergo Macedoniae Thracia esset, adsumptos in societatem gaudebant. sed ut in Asia quoque et insulis explorata omnia essent, Ti. Claudium Neronem M. Decimium legatos miserunt.
[8]
adire eos Cretam et Rhodum iusserunt, simul renovare amicitiam, simul speculari, num sollicitati animi sociorum ab rege Perseo essent.
1 recognitionem Fr.: secognitionem V.
2 post Fr.: non post V.
3 in add. Fr.: om. V.
4 qui Persei Madvig: perseiqui V.
5 regis Fr.: regem et V.
6 A.U.C. 582
7 instruendas lentz: instructas V.
8 recte Madvig: rec V.
9 Maedis Madvig: sedis V.
10 Astis H. J. Mueller: satis V.
11 binum add. Fr.: om. V.
12 aeris Duker: aeris summae V.
Livy. Books XL-XLII With An English Translation. Cambridge. Cambridge, Mass., Harvard University Press; London, William Heinemann, Ltd. 1938: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.