Click on a word to bring up parses, dictionary entries, and frequency statistics
47. haec renuntiata regi ad naves ubi restiterat cum essent, in praesentia—neque enim iis1 venerat copiis ut vi2 agere quicquam posset—reverti Demetriadem placuit.
[2]
ibi, quoniam primum vanum inceptum evasisset, consultare cum Aetolis rex, quid
deinde fieret. placuit Boeotos3 Achaeos Amynandrum regem Athamanum temptare.
[3]
Boeotorum gentem aversam ab Romanis iam inde a Brachylli morte et quae secuta eam fuerant, censebant;
[4]
Achaeorum Philopoemenem principem aemulatione
gloriae in bello Laconum infestum invisumque esse
[p. 136]
Quinctio credebant.
[5]
Amynander uxorem Apamam,4 filiam Alexandri cuiusdam Megalopolitani, habebat, qui se oriundum a magno Alexandro ferens filiis duobus Philippum atque5 Alexandrum et filiae Apamam nomina imposuerat;
[6]
quam regiis iunctam6 nuptiis maior ex fratribus Philippus secutus in Athamaniam fuerat.
[7]
hunc forte ingenio vanum Aetoli et Antiochus impulerant in spem Macedoniae regni, quod is vere regum stirpis esset, si Amynandrum Athamanesque Antiocho coniunxisset.
[8]
et ea vanitas promissorum non apud Philippum modo sed etiam apud Amynandrum valuit.
Livy. Books XXXV-XXXVII With An English Translation. Cambridge. Cambridge, Mass., Harvard University Press; London, William Heinemann, Ltd. 1935: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.