Click on a word to bring up parses, dictionary entries, and frequency statistics
35. insequens annus tribunos militares1 consulari potestate habuit A. Sempronium Atratinum L. Quinctium Cincinnatum L. Furium Medullinum L. Horatium Barbatum.
[2]
Veientibus annorum viginti
indutiae datae et Aequis triennii, cum plurium
annorum petissent; et a seditionibus urbanis otium
fuit.
[3]
annum insequentem neque bello foris neque domi
seditione insignem ludi bello voti celebrem et
[p. 372]
tribunorum militum apparatu et finitimorum2 concursu fecere.
[4]
tribuni consulari potestate erant
Ap. Claudius3 Crassus Sp. Nautius4 Rutulus5 L. Sergius6 Fidenas Sex. Julius Iulus.7 spectaculum comitate etiam hospitum, ad quam publice consenserant,8 advenis gratius fuit.
[5]
post ludos contiones seditiosae tribunorum plebi fuerunt, obiurgantium multitudinem quod admiratione eorum quos odisset stupens,
[6?]
in aeterno se ipsa teneret servitio, et non modo ad spem consulatus in partem revocandam adspirare non auderet, sed ne in tribunis quidem militum creandis, quae communia essent comitia patrum ac plebis, aut sui aut suorum meminisset.
[7]
desineret
ergo mirari cur nemo de commodis plebis ageret;
eo impendi laborem ac periculum unde emolumentum
atque honos speretur; nihil non adgressuros homines
si magna conatis magna praemia proponantur;
[8]
ut
quidem aliquis tribunus plebis ruat caecus in certamina periculo ingenti, fructu nullo, ex quibus pro
certo habeat patres, adversus quos tendered,9 bello inexpiabili se persecuturos, apud plebem, pro qua dimicaverit, nihilo se honoratiorem fore, neque sperandum neque postulandum esse.
[9]
magnos animos magnis honoribus fieri. neminem se plebeium [p. 374] contempturum, ubi contemni desissent.10 experiundam rem denique in uno aut altero esse sitne aliqui plebeius ferendo magno honori, an portento simile miraculoque sit fortem ac strenuum virum aliquem exsistere ortum ex plebe.
[10]
summa vi expugnatum esse ut tribuni militum consulari potestate et ex plebe crearentur. petisse viros domi militiaeque spectatos; primis annis suggillatos, repulsos, risui patribus fuisse; desisse postremo praebere ad contumeliam os.
[11]
nec se videre cur non lex quoque abrogetur, qua id liceat quod nunquam futurum
sit; minorem quippe ruborem fore in iuris iniquitate
quam si per indignitatem ipsorum praetereantur.
1 A.U.C. 329-330
2 A.U.C. 329-330
3 Ap. Claudius glareanus (chap. xxxvi. § 5): Claudius ω.
4 Nautius ς（chap. xliv. § 13, and § 6 infra): naeuius ω.
5 Rutulus Conway (after Sigonius, cf. iii. vii. 6, and C.I.L. i2, p. 114): rutilius (ritilius E) ω.
6 L. Sergius Sigonius (chap. xxv. 2; xlv. 5; Diod. xii. 82): titus (or t) sergius (-as E) ω.
7 Iulus Sigonius (cf. Fasti Cap., e. g. C.I.L. i2, p. 106): tullus MPUE: tullius HDLA: omitted in V.
8 publice consenserant Gronovius: consenserant consilio publico consensu uenerant M: publico consensu uenerant ω.
9 tenderet ω: tendere D3 (over erasure): tetenderit Madvig.
10 A.U.C. 329-380
Livy. Books III and IV With An English Translation. Cambridge. Cambridge, Mass., Harvard University Press; London, William Heinemann, Ltd. 1922.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.