This text is part of:
Search the Perseus Catalog for:
Click on a word to bring up parses, dictionary entries, and frequency statistics
DEMEA.
Nunquam ita quisquam bene subducta ratione ad vitam fruit
Quill res, aetas, usus semper liquid apportet novi,
Aliquid moneat; ut illa quae te scire credas nescias,
Et quae tibi putaris prima in experiendo repudies:
5Quod nunc mihi evenit; nam ego vitam duram quam vixi usque adhuc
Prope iam excurso spatio mitto. Id quamobrem? Re ipsa repperi
Facilitate nihil esse homini melius neque clementia.
Id esse verum ex me atque ex fratre cuivis facile est noscere.
Ille suam semper egit vitam in otio, in conviviis,
10Clemens, placidus, nulli laedere os, arridere omnibus:
Sibi vixit; sibi sumtum fecit: omnes bene dicunt, ainant.
Ego ille agrestis, saevus, tristis, parcus, truculentus, tenax,
Duxi uxoremn: quam ibi miseriam vidi! Nati filii,
Alia cura. Porro auten illis dum studeo ut quam plurimum
15Facerem, contrivi in quaerendo vitam atque aetatem meam.
Nunc exacta aetate hoe fructi pro labore ab his fero,
Odium. Ille alter sine labore patria potitur commoda:
Illum ainant, me fugitant: illi credunt consilia omnia;
Ilium diligunt; apud illum sunt ambo: ego desertus sum.
20Ilium ut vivat optant; meam autem mortem exspectant. Scilicet
Ita eos meo labore eductos maximo hic fecit suos
Paulo sumptu: miseriam omnem ego capio; hic potitur gaudia.
Age, age, nunc iam experiamur porro contra quid ego possiem
Blande dicere, aut benigne facere, quando eo provocat.
25Ego quoque a meis me amari et magni pendi postulo:
Si id fit dando atque obsequendo, non posteriores feram.
Deerit. Id mea minime refert qui sum natu maximus.
Publii Terentii Comoediae VI. P. Terentius Afer. Edward St. John Parry, M.A. London. Whitaker and Co., Ave Maria Lane; George Bell, Fleet Street. 1857.
NSF, NEH: Digital Libraries Initiative, Phase 2 provided support for entering this text.
This text was converted to electronic form by professional data entry and has been proofread to a high level of accuracy.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.