<title>epigrammatum appendix II epigr. app. II epigrammatum appendix II (S. Carrai, G. Inglese, 1993) Naldi, Naldo Firenze, 1436 - fere 1513 Naldo Naldi NALDI Musisque Deoque 2007

This text may be freely distributed, subject to the following restrictions:

You credit Perseus, as follows, whenever you use the document: Text provided by Perseus Digital Library. Original version available for viewing and download at http://www.perseus.tufts.edu/hopper/. You leave this availability statement intact. You use it for non-commercial purposes only. You offer Perseus any modifications you make. epigrammatum appendix II (S. Carrai, G. Inglese, 1993) Latin Italian Greek 1. Angelo Policiano | Christi atque Musarum sacerdoti sanctissimo Angele, cum semper Foebo sic coeperit olim Musa volente dea docte favere tibi, Nec prius abstiterit fieres quam primus eorum Graecia quos habuit, quos habuit Latium, Inde Iovem simili spero ratione futurum Ante tibi Foebo qua musa duce fuit. Nam cum principium sacri tibi dedat honoris Et bonus in canones te velit esse suos, Non prius absistet tibi quam bona summa petenti Sit datus ex merito pontificalis honor. 2. ad Athalantem Meliorottum Manetti | filium de sex cordis quas addit lyrae | quae actenus quinque cordarum fuerat Laudibus in caelum tollat licet ipsa vetustas Mercurium, citaram quem rapuisse ferunt, Laude tamen non est, Athalas, modo digna minore Gloria quae meritis est tribuenda tuis; Nam lyra cum fidibus nobis pulsanda daretur Quinque, nec ante foret <qui> + quibus + plura daret, Tu bonus ingenio tantum vales undique summo Atque nova tantum tu bonus arte vales Nuper ut addideris sex quinque prioribus illis Cordas, undecimos feceris + an(te) monus + . Hinc lyra, perque fides duce te modulanda canoras Undenas, suaves tot dabit arte sonos Rursus ut e silvis quercus tua verba sequatur Atque iterum facias mollia corda feris.