Oratio Consulis Ausonii Versibus Rhopalicis Ausonius, Decimus Magnus Hugh G. Evelyn-White The Mellon Foundation Trustees of Tufts University Medford, MA Perseus Project

This text may be freely distributed, subject to the following restrictions:

You credit Perseus, as follows, whenever you use the document: Text provided by Perseus Digital Library, with funding from The Mellon Foundation. Original version available for viewing and download at http://www.perseus.tufts.edu/hopper/. You leave this availability statement intact. You use it for non-commercial purposes only. You offer Perseus any modifications you make. Ausonius. Works. Ausonius, Vol 1 Ausonius, Decimus Magnus Hugh G. Evelyn-White William Heinemann Ltd.; Harvard University Press London; Cambridge, Massachusetts 1919

Keyboarding

 Latin Greek

Spes, deus, aeternae stationis conciliator: si castis precibus veniales invigilamus, his, pater, oratis placabilis adstipulare. Da, Christe, specimen cognoscier inreprehensum, rex bone, cultorum famulantum vivificator. cum patre maiestas altissima, non generate.2 Da trinum columen paraclito consociante, ut longum celebris devotio continuetur: ad temet properant vigilatum convenienter. Nox lucem revehet funalibus anteferendam, nox lumen pariens credentibus indubitatum, nox flammis operum meditatrix sidereorum. Tu mensis dirimis ieiunia relligiosa, tu bona promittens surgentia concelebraris: da, rector, modicos effarier omnipotentem. Fons tuus emundat recreatu iustificatos, dans mentem oblitam positorum flagitiorum, dans agnos niveos splendescere purificatos. Lux verbo inducta,3 peccantibus auxiliatrix, ut nova Iordanis ablutio, sanctificavit, cum sua dignati tinguentia promeruerunt. Et Christus regimen elementis inrequietis fert undam medici baptismatis intemerati, ut noxam auferret mortalibus extenuatam. Crux poenae extremum properata inmaculato, 25 ut vitam amissam renovaret mortificatus, tot rerum titulis obnoxius immodicarum. Quis digne domino praeconia continuabit? an terra humano locupletat commemoratu, quem vocum resonant modulatus angelicarum? Dans aulam Stephano pretiosam dilapidato, dans claves superas cathedrali incohatori, quin Paulum infestum copulasti adglomeratu. Fit doctor populi lapidantum constimulator, ut latro confessor paradisum participavit, sic, credo, adnectens dirissima clarificandis. Nos seros famulos adcrescere perpetieris sub tali edoctos antistite relligionis; da sensum solida stabilitum credulitate. Fac iungar numero redivivo glorificatus, ad- caelum invitans consortia terrigenarum, SPES, DEUS, AETERNAE STATIONIS CONCILIATOR!